ఏలాది లేహ్యం

చిన్న ఏలకులు, ఆకుపత్రి, దాల్చినచెక్క, సన్నపిప్పళ్ళు ఒక్కొక్కటి 20గ్రా చొప్పున తీసుకోవాలి. అతిమధురం, గింజలు తీసిన ఎండుకర్జూరాలు, గింజలు తీసిన ద్రాక్ష, ఎండుకిస్ మిస్ పండ్లు, ఇవి ఒక్కొక్కటి 40 గ్రా చొప్పున తీసుకోవాలి.

తయారీ విధానము :
పైన తెలిపిన పదార్ధాలను పొడి చేసుకొనవలసిన వాటిని మెత్తగా దంచి పొడిగా మార్చుకోవాలి. ఆ పొడులను మిగిలిన పండ్లను మొత్తము కలిపి రోటిలో వేసి అన్నీ పదార్ధాలు బాగా కలిసిపోయేవరకు దంచి ఆ ముద్దలో తగినంత పట్టుతేనే కలిపి మళ్ళీదంచి లేహ్యంలాగా చేసి ఒక గాజుపాత్రలో నిలువ ఉంచుకోవాలి.

మోతాదు :
రోజూ రెండుపూటలా పూటలకు 10గ్రా మోతాదుగా తినాలి.

ఉపయోగాలు :
దగ్గు, ఉబ్బసము, జ్వరము, ఎక్కిళ్ళు, వాంతులు, మూర్చ, రక్తపైత్యము, అతిదాహము, నోటిలో రుచిలేకపోవడం, క్షయరోగము, కడుపులో బల్లలు పెరగటం, కీళ్ళవాతము, బొంగురుగొంతు మొదలైన సమస్యలున్నవారు దీనిని ఉపయోగించుకొని ఆయా సమస్యల నుండి విముక్తిపొందడమేకాక శరీరానికి మంచి బలము పుష్ఠి, వీర్యవృద్ధి కూడా కలుగుతాయి.

సేకరణ : అందరికి ఆయుర్వేదం ఫిబ్రవరి 2008